कि.या.चु. बुसान दक्षिण कोरियाले धान नाचेर नया वर्ष २०७५ मनायो

चिन्तित कन्दङ्वा लिम्बु
आफ्नो भाषा, लिपि, कला, सस्कृतीको संरक्षण र सम्बर्द्धन गरौ भन्ने नाराका साथ किरात याक्थुङ चुम्लुङ बुसान साखा ख्याङसाङनाम्दो दक्षिण कोरियाले हिजो अप्रिल १५ तारिक आइतबार बनभोज तथा सुभकामना आदानप्रदान कार्यक्रम भब्य रुपमा सु-सम्पन्न गरेको छ ।

कार्यक्रम निर्धारित समयदेखि सुरु गरि आगान्तुक पाहुनाहरुलाई सुरुवातिमै मौलिक खाजा सेलरोटी चिया नास्तको ब्यबस्था गरि औपचारिक कार्यक्रम तिर अगाडि बडेको थियो कार्यक्रम प्रमुख अथिती गणेश मेन्याङ्बो र आयोजक अध्यक्ष किरण कन्दङ्वाले सयुक्त रुपमा दिप जलाई कार्यक्रमको समुट्घाटन गर्नुभएको थियो । त्यसै गरि बिसेष अथितीमा कुबिर चन्द्र लिङ्देन र चित्र आङ्देङ्बे रहेका थिए भने कार्यक्रम डम्बर सुब्बाले संचालन गरेका हुन ।

प्रबाशमा रहेर पनि आफ्नो सस्कार सस्कृती पहिचान र सम्पुर्णमा एक साथ कसरी रहन सकिन्छ भन्ने कार्यक्रमको मुल उदेस्य रहेकोले अन्य संघ सस्थाहरु एन आर एन बुसान एन सि सि बुसान गुरुङ संघ गजेदो तामङ संघ बुसान मगर संघ गजेदो साथै अन्य धेरै संघ सस्थाहरु र बुद्दिजिबिहरुको बाक्लो सहभागित रहेको देखिन्छ।

कार्यक्रमको पछिल्लो चरणमा जलपान सङै बिबिन्न आकर्षक कार्यक्रम हरु जस्तै :लठठा तान्ने , मेजिकल चियर र भाग्यसाली चिठ्ठा प्रतियोगिता हरु प्रतुत गरिएको थियो जस्मा भाग्यसाली चिठ्ठा प्रतियोगितामा महेन्द्र सेर्मा मेजिकल चियरमा सर्मिला गुरुङ र लठठा तान्नेमा बुसान किम्हे मासान सयुक्तले प्रथम बिजयी पुरुस्कार जितेका थिए भने अन्य केहि कार्यक्रमहरु समय अभावको कारण प्रस्तुत गराउन नसकिएको आयोजकको भनाई रहेको छ ।

यसै गरि सुभकामना आदानप्रदान सङ्गै खानपिन पछि सबैको छुट्ने समयमा लिम्बू सस्कार सकृतिमा रहेको मुख्य धान नाच केही समय नाची सम्पुर्ण आगन्तुक पाहुना साथै आयोजक बिचको बिदावरी भएको थियो । धान नाच प्रचलन प्रबासी भुमि कोरियाको इतिहासमा नै सायद पहिलो यो रहेको केही अग्रजहरुको भनाई रहेको छ ।

namastenepal.net बाट साभार